Top Fest 7, kengetaret pretendente per cmimin e madh

Këngëtarët që janë përzgjedhur të këndojnë në natën finale të “Top fest 7” në Top Channel më 23 maj, janë përfshirë nga emocionet e garës, për të fituar kupën prej 20 milionë lekë. Të henën nisin provat për perfomancën “live”, ndërsa janë vendosur tashmë finalistët dhe janë njoftuar privatisht tashmë 15 këngëtarët që janë përzgjedhur të këndojnë në finale. Ndërkohë që mes këngëtarëve kanë filuuar të qarkullojnë zërat se cili mund të jetë këngëtari apo dueti fitues i këtij edicioni. Kështu mes emrave që qarkullojnë mes këngëtarëve se mund të shpallen fitues janë; Besa me “Kalorësi i natës”, Kamela “Jetoj pa ty”, Eneda Tarifa me këngën “Me veten”, Jonida Maliqi ft Big Basta me “Sot t’i japin fund”, dhe Vedat Ademi me “Koha s’kthehet”. Nata finale që do të prezantohet nga Albana Osmani dhe Ledion Liço është konceptuar me prezantimin e të nominuarve që do të këndojnë këngët e tyre, si dhe panelin e këngëtarëve që do të jenë të ulur në skenë. Në edicionin “Top Fest 7” morën pjesë mbi 100 këngëtarë, dhe në katër javë spektakli të gjysmëfinalistëve konkurruan 40 këngëtarë. Gjatë rrugëtimit të tij në kaq javë, pas disa largime dhe skualifikime të këngëtarëve të njohur. Festivali i muzikës moderne “Top Fest” organizohet për here pare “live” në drejtimin artistik të të Dorian Gjonit.